Hvussu geri eg?

• Tú bókar eina eind við at trýsa á leinkjuna "Bóka tína eind".
• Inni á síðuni skalt tú fyrst skráseta teg við navni, bústaði, telduposti og telefonnummarið.
• Tú kanst hereftir vejla tær hvat slag av goymslurúmið tú ynskir. Tú fært sjálvvirkandi tilluta eitt goymslurúm úr úrvalinum innan goymsluslagið tú hevur valt.
• Tá ið tú hevur valt eind, skal tú velja innflytingardag.
• Tú sært nú tín sáttmála, og skal undirskriva hann niðast í sáttmálanum.
• Áset kortupplýsingar og bílegg.

• Tá ið tú hevur bílagt, seta vit okkum í samband við teg, og avtala nær vit hittast.
• Fyrstu ferð tú bóka goymslu hjá okkum, er tað av týdningi at tit føla tykkum trygg. Tískil er tað ein fyritreyt at vit hittast á staðnum, og vit útflýggja talgilda lyklin, eftir at hava sæð samleikaprógv fyri at tú ert leigarin sum hevur bílagt.
• Vit vísa runt á goymsluni og tit fáa høvi at seta møguligar spurningar
• Á innflytingardegnum móttekur tú eini SMS-boð við eini leinkju og kotu til lykla-appina "Smart Entry", ið er tín talgildi lykil

Tá ið tú bíleggur og ert komin til síðuna har tú skal undirskriva leiguavtaluna, so er ein teigur í útgreiningini av rokningini (omanfyri sáttmálan á tlf, og til høgru fyri sáttmálan á teldu). Skriva átakskotuna í her við smáum bókstavum.

Tá ið tú bíleggur verður rokningin samansett av trimum gjøldum:

• Depositum. Hetta verður endurrinda tá ið flutt verður út aftur.
• Lutfallslig leiga: Leiga fyri inniverandi mánaða í lutfallinum fyri hvussu nógvar dagar tú leigar.
• Leiga fyri fyrsta fulla mánaða.

Tú kanst altíð uppsiga leigumálið við at skriva til okkara. Leigumálið kann uppsigast til endan av hvørjum mánaða. Seinasta freist at uppsiga er tann 14. í sama mánaða.

Tá ið tú bíleggur, kanst tú velja slag av eind, men ikki velja ein nummar. Eindarsløgini eru tó býtt upp soleðis, at tað er frámerk um eindarslagið er á veghædd. Um onki frámerki er um hetta, so er eindin á ovaru hædd. Sjálvandi er lyfta millum hæddirnar.

Um tú hevur ivamál um hetta, ert tú vælkomin at seta teg í samband við okkum.

Goymslan er sjálvvirkin, og hetta merkir, at bert tey sum leiga sleppa sjálvi inn við lykli. Tú ert tó altíð vælkomin at koma á gátt, men neyðugt er at tú setur teg í samband við okkum frammanundan, tí vit ikki altíð hava starvsfólk á staðnum. Tú kanst ringja til okkara gerandisdagar 10-16 ella skriva til okkara á teldupost ella umvegis sosialu miðlarnar. Vit taka gleðiliga ímóti og vísa tær møguleikarnar.

Goymslan er opin allar dagar av árinum fyri tey ið leiga goymslurúm.